Pinatulodanen ti subpoena iti National Bureau of Investigation (NBI) ni sigud a Representative Mike Defensor mainaig ti alegasyon a nangited isuna kadagiti 18 nga Ex-Marines tapno agtestigo seknan iti flood control scam.
Segun kenni NBI Director Melvin Matibag, naidiaya ti tunggal maysa kadakuada iti tig-₱5M kasukat ti panagdar-ay ti press conference ken panagtestigo idiay Senado.
Kabayatanna, ipapaayab manen ti NBI dagiti sigud a Marines tapno ilawlawag dagiti alegasyon nga imbutaktak ti asawa ti maysa kadakuada.
Segun iti Bureau, ti sigud a kongresista a nagserbian da ket agdama nga aglemlemmeng iti sabali a pagilian.
Mainaig kadaitoy, kinarit met dagiti Ex-Marines nga agparang iti nangibaga a naikkan ida ti ₱5M tapno idiay da mismo Senate Blue Ribbon hearing nga agsasango.
