BR LA UNION – Maisayangkat ti Bisig-Kleta ken Fun Run idiay Agoo, La Union inton Sabado, Hunyo 13, kas paset iti selebrasyon ti Adoption and Alternative Child Care Week (AACCW) 2026, nga addaan ti tema ita tawen a “Love Makes a Family.”
Maisayangkat ti 2026 4th Annual Bisig-Kleta and Fun Run idiay Agoo Eco Park, Agoo, La Union. Mangrugi iti registration ken panangala ti kits iti alas-4 ti agsapa, bayat a pormal a mangrugi iti aktibidad iti oras alas-5:30 ti agsapa.
Segun kadagiti organizers, libre iti panagparehistro para kadagiti kayat a makipaset iti Bisig-Kleta ken Fun Run. Mabalin met nga agparehistro dagiti interesado babaen ti online registration portal ti National Authority for Child Care.
Naipalagip kadagiti makipaset a ti umuna laeng a 332 registrants iti makaawat ti bike ken run kits.
Masapul met a maipakita dagiti QR code wenno confirmation email iti registration area tapno maala dagiti kits.
Kadagiti menor de edad a makipaset, masapul a mangipresentar ti waiver iti registration area iti mismo nga aldaw ti aktibidad.
Palagip pay dagiti organizers kadagiti makipaset iti Bisig-Kleta nga agsuot ken agusar ti umno a safety gear, nangruna ti helmet ken amin a makipaset ket mangitugot ti kapote tapno adda usaren ingkaso a napigsa iti buyat ti tudo.
