Saan a nagparang dagiti 18 Ex-Marines iti panagdengngeg ti Senate Blue Ribbon Committee ita nga aldaw ti Lunes, Hunyo 8, babaen ti baro a chairman a ni Senador Erwin Tulfo, kasaruno ti reorganization ti Senado.
Segun iti Committee Secretariat, naimbitaran dagiti sigud a soldad ngem awan iti naawat da a sungbat kadakuada, uray kenni Atty. Levito Baligod nga agserserbi kas abogado dagitoy.
Maysa pay a saan nga dimmar-ay ket ni Congressman Mike Defensor, a segun iti Secretariat ket saan met nga imbitado.
Maipalagip nga idi Hunyo 4 ket mapapati a binayadan ni Defensor dagiti 18 ex-Marines tapno agtestigo iti anomalya dagiti flood control projects, banag a nainget na a pinaglibakan.
Karaman pay kadagiti saan nga immatendar ket dagiti mamanday-linteg a kas kada sigud a House Speaker Martin Romualdez, Rep. Zia Alonto Adiong, Rep. Jose Alvarez, Rep. Julienne Baronda, ken Rep. Leila de Lima.
Maibasar iti surat ni House Secretary-General Cheloy Velicaria-Garafil, daitoy ket possible gapo iti “parliamentary courtesy.”
Laksid ti saan a panagdar-ay ket nagtuloy latta iti panagdengngeg dagiti opisyales manipud Department of Public Works and Highways, Department of Justice, Department of Budget and Management, Office of the Ombudsman, kasta met kenni NBI Director Melvin Matibag a kas resource persons.
