BR LA UNION – Italek ni Vice President Sara Duterte kadagiti abogado na ti panagsagana para iti umadanin nga impeachment trial idiay senado.
Segun kenni Duterte, maka-ammon ti legal team na a buklen ti 16 nga abogado nu anya ti kasamayan a wagas nga aramiden da, tapno depensaan ti kliyente da.
Nakatuding iti pre-trial conference para iti kaso na inton Hunyo 18 bayat a ti pormal a panagusig ket manamnama a mangrugi inton Hulyo 6, 2026.
Iti legal team ni VP Sara ket idaulwan ti Fortun Narvasa & Salazar Law Firm.
Immunan nga imbaga dagiti abogado ni Duterte a nakasagana da a mangidepensa ti bise presidente iti panagusig idiay senado.
Kabayatanna, mapagsasaritaan ita idiay senado iti posibilidad a ni Senator Francis Pangilinan iti ag-preside iti impeachment trial kontra kenni Vice President Sara Duterte.
Kinumpirma ni Acting Senate President ken Pro Tempore Win Gatchalian a maysa ni Senator Pangilinan a posible a mangidaulo ngem awan pay ti pinal a desisyon nu siasino ti agserbi presiding officer iti impeachment court, agsipudta agtultuloy pay laeng a pagsasaritaan dagiti senador sakbay a mangrugi ti panagusig iti sumaruno a bulan.
