BR LA UNION – Nagkari ni San Antonio Spurs bigman Victor Wembanyama a bumangon ti bunggoy na iti do-or-die a Game 5 kontra New York Knicks, a maisayangkat ita nga aldaw, Hunyo 14 (oras ditoy Pilipinas) idiay San Antonio, Texas.
Iti agdama, iggem ti Knicks iti 3-1 series lead.
Nu bilang mangabak ti Knicks iti ay-ayam ita nga aldaw, daytoy ti kaunaan a panangabak ti bunggoy iti uneg ti 53 a tawen.
Kabayatanna, iti met San Antonio Spurs ket kasapolan a mangabak ita nga aldaw, tapno dumanon ti serye iti Game 6.
Maibilang daytoy a kadakkelan a comeback iti pakasaritaan ti NBA Finals.
Segun kenni Wembanyama, dua laeng ti option ti bunggoy da, agparintumeng iti Knicks wenno puwersaen da ti Game 6.
Amin nga Spurs player ken intero a management ket awan ti sabali a tarigagay da nu saan a makabangon manipud iti 3-1 deficit, isunga namnamaen nga agtitinnulong dagitoy tapno puwersaen ti maysa wenno dua pay a game kontra iti New York.
