Awan ti maysa a nakalasat iti panagsuwek ti US Air Force B-52 bomber, sumagmamano laeng a kanito kalapsan ti panag-takeoff na manipud Edwards Air Force Base sadiay southern California, daitoy alas-11:20 ti bigat (local time), aldaw ti Lunes, Hunyo 15.
Pinasingkedan ni Colonel James Hayes, Deputy Commander ti 412th Test Wing, Edwards Air Force Base, ti nakaam-ames a trahediya, a nagresulta ti pannakatay ti amin a walo a sakayna.
Amerikano amin dagiti natay, pakairamananen dagiti crew ti militar, government civilians, ken government contractors.
Napasamak ti aksidente kabayatan ti routine mission ti military aircraft. Sinuportaran ti B-52 iti radar modernization program ti base idi kellaat a nagsuwek daitoy, sumagmamano laeng a segundo kasaruno ti takeoff na a rason ti pannakapartuat ti dakkel nga uram.
Segun kenni Hayes, impakaammo nan kadagiti kakabagian ti crew iti napasamak ken nakatudingen iti pannakabigbig iti bangkay da.
