BR LA UNION – Mangisayangkat ti baro ken dakkel a “Trillion Peso March” dagiti lider ti Simbaan Katolika, ken dadduma pay a religious groups, ken civil society organizations inton Hunyo 28.
Ti nasao a panagtignay ket kasaruno iti immunan a protesta nga addaan tarigagay nga ipanawagan ti accountability iti tengnga dagiti iskandalo ti korapsiyon ditoy pagilian.
Segun kenni Bishop Colin Bagaforo, lead convenor ti Catholic Bishops’ Conference of the Philippines (CBCP) Inter-Religious Leaders’ Council for National Transformation ken obispo idiay Kidapawan, maawagin a “White Ribbon Movement March” ti nasao a rally.
Maisayangkat ti aktibidad iti People Power Monument, nga inladawan na kas maysa a panagtignay a faith-based, faith-generated, ken bunga ti panagminna-minna, panagkararag, panagdengngeg ken shared responsibility iti Diyos.
Mangrugi ti martsa iti aldaw agturong iti monumento.
Ranta na nga ipalagip iti gobyerno a karbengan dagiti Pilipino a maaddaan ti maysa a napintas a masakbayan.
Kinuna na a magun-od laeng dagitoy babaen ti napudno a panagserbi iti interes ti umili, mangitandudo iti dignidad ti tao, ken mangi-giya iti hustisya imbes a kina-agum.
Impaganetget pay ti obispo a rumbeng a mapagsungbat ken maibalud ti amin a karaman iti korapsiyon.
Kagiddan daytoy, impanawagan ti grupo a mangipatungpal ti maysa a napudno a linteg kontra iti political dynasty.
Inawis pay ni Bishop Bagaforo ti amin a religious groups, civil society, non-government organizations, educational associations, mannalon, mangngalap, mangmangged a makikaysa iti.
Panawagan na ti sangsangkamaysa a panagkararag
tapno denggen ni Apo Diyos iti boses dagiti umili, agbaliw iti sistema ti panangidaulo dagiti nakusit a boses ti kinapudno.
