BR LA UNION – Umabot pay iti P180 billion ti pondo a mabalin nga usaren ti executive department para iti panagbangon wenno rehabilitasyon dagiti lugar a naapektaran iti napasamak a magnitude 7.8 a gingined idiay Mindanao, segun kenni Senate President Sherwin Gatchalian.
Ti baro a Senate leader iti nagserbi a chairman ti Finance Committee a kangrunaan a nangsukimat iti 2026 National Budget.
Segun kenni Gatchalian, ilungalong na iti napartak a pannakaipalospos ti pondo manipud iti executive department iti kabiitan a panawen tapno makabangon a nabiit dagiti biktima iti napasamak a gingined.
Manipud iti nasao nga P180 billion a pondo, aganay 18 billion kunana ti mabalin nga usaren iti sidong ti National Disaster Risk Reduction and Management Council (NDRRMC) kas risk reduction fund iti reconstruction effort.
Mabalin kunana nga usaren daytoy para iti rehabilitasyon wenno panangibangon manen dagiti pasdek a dinadael ti napigsa a gingined.
Impaganetget ti baro a senate president nga adda umdas a pondo ken ti kasapolan laeng ditoy ket iti nabiit wenno napartak a pannakaipalospos para iti rehabilitasyon.
