BR LA UNION – Nakaawiden ditoy Pilipinas dagiti 38 a Pilipino a tripulante ti MV Hondius kalpasan a makumpleto iti quarantine da idiay Netherlands kalpasan a mailista iti kaso ti hantavirus iti barko.
Segun kenni Department of Migrant Workers Secretary Hans Leo Cacdac, natalged a nakasubli dagiti seafarer iti tulong dagiti ahensya ti gobyerno iti sidong ti direktiba ni Presidente Ferdinand “Bongbong” Marcos Jr.
Nag-negatibo dagitoy iti hantavirus sakbay da a naipasidong iti quarantine.
Segun kenni Cacdac nga agtultuloy a makaawat ti suweldo dagiti tripulante para iti nabatbati a paset ti kontrata da ken agtalinaed dagitoy nga empleyado ti shipowner.
Iti hantavirus ket masansan a maipasa manipud kadagiti utot agturong iti tao.
Ngem segun iti World Health Organization, awan ti naipadamag a presensya ti utot iti barko, isunga maam-amiris ti posibilidad a man-manu laeng ti human-to-human transmission, partikular ti adda pakainaiganna ti Andes strain a masarakan iti sumagmamano a paset ti Latin America.
