BR LA UNION – Inlawlawag ti Juvenile Justice and Welfare Council (JJWC) a saan a rumbeng a ruk-atan lattan dagiti menor de edad a suspek iti nakaam-ames a pammaltog iti maysa nga high school compound idiay Tacloban City.
Inlawlawag ni JJWC Executive Director Tricia Clare Oco, nga iti sidong ti Juvenile Justice Law ti pagilian ket adda latta sungsungbatan dagiti suspek, laksid nga agpada dagitoy a menor de edad.
Nu mapaneknekan a dagiti suspek ket nagaramid ti krimen “with discernment” wenno ammo da ti mangdetermina ti dakes ken saan, mabalin da a sumango iti conditional criminal liability.
Iti agdama, kasapolan pay kunana a dumalan dagiti suspek iti maiyannatop nga intervention programs wenno maipasidong da iti detention, maibasar iti legal procedures ken pannagna ti case developments.
Pinaglibakan met ni Atty. Oco iti ispekulasyon a public opinion a mabalin a parwaren nga awan ti sungsungbatan dagiti suspek.
