Nangipatungpal ti regulatory relief iti Bangko Sentral ng Pilipinas para kadagiti bangko ken quasi-banks tapno maksayan iti epekto ti panaggaraw ti merkado a gapuanan ti tension idiay Middle East.
Segun ti BSP, pinalubusan ti Monetary Board dagiti institusion pang-pinansial a temporario a saan nga iraman iti capital computations dagiti sumagmamano nga unrealized losses wenno paper losses manipud kadagiti government securities.
Panggep ti addang a mapagtalinaed a natibker iti maipakpakita a kapital dagiti bangko bayat a makapadpadas ti temporario a volatility dagiti financial markets.
Paset iti relief measure dagiti pannakalugi a nailista kalpasan iti tensyon idiay Middle East idi Pebrero 28, 2026.
Agbalin nga epektibo ti nasao nga alagaden agingga Disiembre 31, 2026.
Manipud Enero 1, 2027, maipatungpal manen iti kadawyan nga alagaden iti panagkuenta ti kapital dagiti bangko.
Inpaganetget met ti BSP a saan nga ik-ikkaten ti relief iti obligasion dagiti bangko nga i-report ken isapubliko dagiti amin nga unrealized losses kadagiti financial reports.###
