Nagkampeon ni Billy Crawford iti Season 9 ti Mask Singer France kalpasan ti winning performance ti kanta a Beat It iti grand finale.
Inlemmeng ni Billy iti pakabigbigan na kas karakter a ni “L’Ane” (donkey), kas tribute iti anak na a ni Amari. Nagyaman met daytoy iti production team iti panangpatalinaed a limed daytoy.
Dinayaw met isuna dagiti French audience kadagiti panagperform na ti nadumaduma a French ken English songs iti sibubukel a season.
Saan a daytoy iti umuna a panagballigi ni Billy idiay France kalpasan a nangabak isuna iti Danse avec les stars idi 2022.###
