BR LA UNION – Nagluas idi kalman, Hulyo uno, ni President Ferdinand R. Marcos Jr. para iti Official Visit idiay Vancouver, Canada kalpasan nga imbitaran ni Canadian Prime Minister Mark Joseph Carney.
Iti panagbisita ni President Ferdinand Marcos Jr. idiay Canada, manamnama a talantanen da kenni Prime Minister Carney ti kinapateg ti Indo-Pacific, ASEAN, ken Multilateral Cooperation.
Innayon ni President Marcos a pagsasaritaan da pay dagiti prayoridad ti Pilipinas, kabilang iti panangpapigsa iti defense and security, trade and investment, renewable energy, critical minerals, maritime cooperation ken panangilungalong ti tarigagay dagiti pagilian a miyembro ti ASEAN.
Na-establisar idi December 4, 1949 ti diplomatic relations iti baetan ti Pilipinas ken Canada mangipaneknek ti nauneg ken nabayagen a panagkadwa ti dua a pagilian a nahulma iti panagsinnukat ti values ken mutual cooperation.
Dinutokan ni Presidente Ferdinand Marcos Jr. kas caretaker iti pagilian ni Executive Secretary Ralph Recto, Agrarian Reform Secretary Conrado Estrella ken Department of Labor and Secretary Francis Tolentino bayat ti panagbisita ti Presidente idiay Canada para iti uppat nga aldaw nga Official Visit
