Maragsakan unay ni Presidente Ferdinand Marcos Jr. iti pannakaital-o ti Pilipinas kas upper-middle-income country, kalpasan a binigbig ti World Bank.
Daytoy ti nanggibus iti 39 a tawen a panagtalinaed a lower-middle-income country ti Pilipinas sipud idi 1987.
Segun iti Presidente, pammaneknek daytoy a nagbalin nga epektibo dagiti naipatungpal a polisiya iti ekonomiya iti napalabas nga uppat a tawen.
Segun iti Ehekutibo, nakatulong ti agtul-tuloy a panagdur-as ti ekonomiya, natibker a balor ti piso, ken dagiti reporma tapno mapapigsa iti ekonomiya laksid ti sangalubongan a karit.
Innayon pay ti Presidente a manamnama a mangital-o daytoy iti kumpiyansa dagiti agpupuonan, mangilukat ti ad-adu a negosyo, dekalidad a trabaho, ken oportunidad para kadagiti Pilipino.
Impaganetget ni Presidente Marcos a ti panagdur-as iti ekonomiya ket rumbeng a marikna ti tunggal pamilya babaen ti mas nasay-sayaat a pagbiagan ken kalidad ti biag.
Siraragsak pay nga inawat ti Presidente Pangulo iti panangbigbig ti World Bank iti Pilipinas kas upper-middle-income country.
Segun iti World Bank, umabot iti USD 4,850 ti gross national income (GNI) per capita ti pagilian idi 2024, mas nangat-ngato ngem iti naituding a USD 4,636 a basaran para iti upper-middle-income country (UMIC).
Segun met iti Department of Economy, Planning, and Development (DEPDev), namnamaen a mangpapaigsa iti baro a klasipikasyon iti kumpiyansa dagiti agpupuonan, mangpalawa ti panagpuonan, agpartuat ti ad-adu a dekalidad a trabaho.
Impaganetget ti ahensya nga agtaltalinaed a prayoridad ti gobyerno iti inklusibo a pangdur-as tapno marikna ti amin a Pilipino iti benepisyo ti panagdur-as ti ekonomiya.
