Ibilang ti Gilas Pilipinas head coach a ni Tim Cone ti laban kontra New Zealand kas “Game 7” iti agtultuloy a 2027 FIBA Basketball World Cup Asian Qualifiers.
Target ti Gilas a makagun-od iti saan a bumaba ti maysa a panagballigi iti dua nga agsaruno nga ay-ayam kontra New Zealand ken Australia iti maikatlo a window ti qualifiers.
Sanguen ti Gilas iti New Zealand ita nga aladaw ti Biernes, Hulio 3, sakbay ti labanda kontra Australia inton Hulio 6.
Dua a panagballigi ken dua a pannakaabak ti rekord ni Gilas iti Group A.
Segun kenni Cone, napateg a makaala ti panagballigi tapno agtalinaed a sibibiag iti tsansa ti team nga umabante iti sumaruno nga stage ti torneo.###
