Mabalin latta a makipaset ni Senador Rodante Marcoleta iti impeachment trial ni Vice President Sara Duterte inton Lunes, Hulyo 6, segun kenni Senate President Sherwin Gatchalian.
Inlawlawag ni Gatchalian nga iti agdama, agtaltalinaed a senador ni Marcoleta agsipudta awan pay ti pinal a desisyon iti Sandiganbayan nu mang-isyu ti arrest warrant kontra kenni Marcoleta para iti kaso a plunder nga indatag ti Ombudsman.
Idi masalodsod ti Senate President seknan iti posible a pannakairwar ti arrest warrant kenni Marcoleta, imbaga na a saan da a mabalin nga i-preempt wenno un-unaan ti agbalin a desisyon ti Sandiganbayan kas maysa a korte.
Inwaragawag pay ni Gatchalian nga adda pay gundaway ni Marcoleta a mangipaay ti depensa ken agpalawag iti korte sakbay a mangaramid ti desisyon kas paset ti judicial process.
Maipalagip nga idi Biyernes, Hulyo 3, pormal a nangidatag ti plunder charges iti Ombudsman kontra kenni Marcoleta ken tallo pay a sab-sabali seknan iti P75 million a maipagarop a saan a naideklara a campaign donations iti 2025 senatorial campaign.
