Raraemen ni President Ferdinand Marcos Jr. iti proseso ti korte iti kaso ti siasinoman nga indibidual.
Daytoy ti reaksion ti Palasio iti arrest warrant nga impaulog ti Sandiganbayan kontra kenni Senador Rodante Marcoleta mainaig iti kaso a plunder.
Segun kenni Palace Press Officer Claire Castro, no daytoy iti intuding ti linteg, respetuen daytoy ti Presidente.
Saan a maibaga ti Malacañang no adda epekto iti pannakaaresto ni Marcoleta iti impeachment trial ni Bise Presidente Sara Duterte gapu ta addan iti Senado ti nasao a banag.
Innayon ni Castro, pagrebbengan laeng ti Ehekutibo nga ipatungpal ti balido a warrant of arrest nga inruar ti korte.
Kenunana pay nga agtaltalek iti Palasio a respetuen ti Iglesia ni Cristo ti pannakaipatungpal ti linteg ken iti desision ti Sandiganbayan.
Naaramid ti statement kalpasan ti boluntario a panagsuko ni Marcoleta kalpasan a naipaulog ti arrest warrant.###
