Kinarit ni Philippine Coast Guard (PCG) spokesperson Rear Admiral Jay Tarriela dagiti senador ti Pilipinas, nangruna kadagiti nangbabalaw kenkuana idi, nga agpanawagan iti China a kumiddaw iti pammakawan iti umili a Pilipino kasaruno iti pablaak manipud China Daily.
Nangiruar iti Chinese state-run media iti Beijing iti AI-generated video a mangiladladawan kadagiti Pilipino a kas “stupid monkey.”
Segun kenni Tarriela, napartak a nangipila iti diplomatic protest iti China idi Enero 2026 ken dagiti dadduma a Senador para iti panagdespensar na kasaruno iti karikatura ni Chinese President Xi Jinping.
Ita ket ikarkarit na met iti kapada a panagdespensar para China gapo iti video-animation da a mangtagtagibassit iti nasyonal nga identidad dagiti Pilipino.
Agtaltalek ni Tarriela nga agkaykaysa dagiti mamanday-linteg iti panangkondenar ti nasao a video ken inallukoy iti publiko kontraen iti “racist propaganda.”
Iti China Daily ket kukua iti People’s Republic of China, isu a dagiti pabuya da ket adda iti pammalubos ken suporta manipud iti gobierno. Binabalaw pay ni Tarriela iti panagulimek ti Chinese Embassy idiay Maynila seknan iti isyu.
Kabayatanna, kiniddaw met ti Department of Foreign Affairs (DFA) iti dagos a panangikkat iti video agsipud ta lagpas daitoyen ti lehitimo a diskurso-politikal ken deretson a makasakit para iti rikna dagiti Pilipino.
