BR LA UNION – Pudno a dakkel a karit nu ag-bisikleta ka a patallikod ken pababa pay manipud iti nangato a bantay wenno lugar.
Ti pa-tallikod a panag-bisikleta ket napaka-imposible nu arigen.
Ngem pudno a napasamak ken inaramid dayta ti Japanese mountain bike trials rider a ni Tomomi Nishikubo.
Kalpasan ti dua a tawen a panagsagana ken metikuloso a panag-plano, nagun-od na met laengen ti nabayag nga arapa-ap na a makaaramid ti bukod na a signature ken pakabigbigan iti intero a lubong.
Idi May 27, 2026, naimaldit ni Nishikubo iti dua a baro a Guinness World Records.
Naparmek na ti sigud a record ken isuna ita ti baro nga akin-iggem ti titulo nga steepest bicycle fakie nose manual iti 37.5 degrees ken longest distance travelled by bicycle fakie nose manual on a ski jumping hill, babaen ti 136.6 m.
Nagbalin a mas impresibo iti records ni Nishikubo gaputi inaramid na nga speed a nasurok 60kph ken namantinir na iti front-wheel balance iti uneg ti 35 a segundo bayat ti panagbaba na manipud ski jump.
