BR LA UNION – Kiniddaw ni Vice President Sara Duterte iti Senado nga ibaklay wenno sungbatan ti gastos para iti taraon, inumen, ken catering services ti defense team-na, support staff, ken dagiti testigo a makipaset iti impeachment trial.
Iti surat a napetsaan ti Hulyo 7, 2026, a naipatulod kenni Senate President Sherwin Gatchalian, inlanad ni Duterte dagiti arrangement a kayatna a masurot iti panawen ti panagusig.
Karaman kadagiti kiddawna ket maidasar amin a taraon ken inumen para iti kampona iti naituding a holding room ken maala manipud iti Office of the Vice President’s (OVP) accredited caterer.
Kinunana a ranta daytoy a masungbatan iti security concerns ken masiguro ti kinatalged ti defense team-na, support staff, ken testigo.
Kiniddaw pay ti Bise Presidente nga ibaklay ti Senado ti amin a gastos a mainaig iti proceedings.
Iti panangileppas ti suratna, imbaga ni VP Sara a mangnamnama nga aprubaran ti Senado dagiti kiddawna agingga malpas ti impeachment trial.
