Pimmigsa ti Bagyo Kiyapo ken maysan a Severe Tropical Storm bayat nga umad-adayo idiay Babuyan Islands.
Naudi a nasaripatpatan iti sentro ti mata ti bagyo iti kabaybayan ti Calayan, Cagayan.
Kabuyog na iti kapigsa ti angin a 95 km/h asideg ti tengnga ken kapegges nga agingga 130 km/h.
Dupdupagen ti bagyo iti Laud Amianan-a-Laud iti kapaspas a 25 km/h.
Maibasar iti Tropical Cyclone Bulletin #13 ti PAGASA, agtaltalinaed a nakapasidong ti Wind Signal No. 3 iti western portion ti Babuyan Islands partikular ti Calayan Is., Dalupiri Is., ken Fuga Is.
Tropical Cyclone Wind Signal no. 2
- Batanes
- Nabatbati a paset ti Babuyan Islands
- Northern portion ti mainland Cagayan partikular ti Santa Ana, Gonzaga, Santa Teresita, Camalaniugan, Aparri, Ballesteros, Abulug, Pamplona, Sanchez-Mira, Claveria, Santa Praxedes, Buguey, Allacapan, Lal-Lo, Gattaran, Baggao, ken Lasam
- Northern portion ti Apayao partikular ti Luna, Santa Marcela, Calanasan, Pudtol, ken Flora
- Northern portion ti Ilocos Norte partikular ti Pagudpud, Dumalneg, Adams, Bangui, Burgos, ken Vintar
Tropical Cyclone Wind Signal no. 1
- Nabatbati a paset ti mainland Cagayan
- Isabela
- Quirino
- Nueva Vizcaya
- Nabatbati a paset ti Apayao
- Abra
- Kalinga
- Mountain Province
- Ifugao
- Benguet
- Nabatbati a paset ti Ilocos Norte
- Ilocos Sur
- La Union
- Northern ken central portions ti Aurora partikular ti Dilasag, Casiguran, Dinalungan, ken Dipaculao
Gapu ti bagyo, makapadas ti stormy weather condition iti Ilocos Norte, Batanes, ken Babuyan Islands iti agpatnag bayat a panagtudo nga addaan ti kabuyogna nga angin idiay Cordillera Administrative Region, nabatbati a paset ti Cagayan Valley, Ilocos Sur, La Union, ken Aurora.
Nagballaag iti state weather bureau a posible dagiti flash floods wenno landslides gapu ti napigsa a panagtudo.
Kabayatanna, mangipaay met iti panagtudo ti Southwest Monsoon idiay Zambales, Occidental Mindoro, Palawan, Antique, Iloilo, Guimaras, Negros Occidental, Metro Manila, Visayas, nabatbati a paset ti Luzon, Zamboanga Peninsula, BARMM, Northern Mindanao, SOCCSKSARGEN, Agusan del Norte, Surigao del Norte, ken Dinagat Islands. Bayat a mapatto-pattok a panagarbis iti nabatbati a paset ti Mindanao.
Iti forecast track, agtultuloy a tumbuken ti STS Kiyapo iti laud amianan a laud sadiay West Philippine Sea aginggana inton bigat, Hulio 25 sakbay nga agturong iti southern mainland China.
Rumuar ti bagyo iti Philippine Area or Responsibility (PAR) ita a rabii wenno inton bigat ti agsapa. Agtultuloy daytoy a pumigsa bayat nga aggargaraw iti West Philippine Sea.
Gapu ti napintas a kondision iti aglawlaw daytoy, mabalin a pumigsa pay ken madanon ti typhoon category sakbay nga ag-landfall idiay mainland China. Kalpasanna, kumapsot ti bagyo kabayatan iti panagdupagna iti kadagaan.###
