Strikto a banbantayan ti Armed Forces of the Philippines (AFP) ti maysa a warship ti People’s Liberation Army Navy (PLA-N) ken ti unmanned surface vessel (USV) a nasaripatpatan iti Exclusive Economic Zone (EEZ) ti Pilipinas.
Segun kenni AFP spokesperson for the West Philippine Sea Retired Rear Admiral Roy Vincent Trinidad, nakikoordinaren ti military kadagiti dadduma pay a maritime agencies tapno maberipika ken masurot iti iti presensya iti barko panag-gubat ti China.
Impaganetget ni Trinidad nga awan pay iti agdama a pangta iti kinatalged ti publiko wenno national security, ngem agtultuloy iti panagbantay ti Armed Forces tapno maprotektaran iti maritime interests ti pagilian.
Imbatad daitoy iti AFP kalpasan a makagun-od iti California-based firm a Seasats idi Hunyo 16 iti footage usar ti Lightfish USV a nakapaliiw iti Chinese Type 052D guided-missile destroyer.
Naaddaan iti USV kadagiti serye ti “encounters” kadagiti Chinese naval vessels, pakairamananen ti Type 052 ken 055 destroyers kasta met iti Type 056 corvette. Napasingkedan met iti authenticity iti footage, pakabigbigan dagiti barko, ken lokasyon da, usar iti datos ken original file metadata ti Seasats.
