Nagtulag iti Iran ken Oman para iti nakapia a panagdalyasat dagiti barko idiay Strait of Hormuz.
Pinasingkedan daitoy ni Foreign Ministry spokesman Esmaeil Baqaei, ngem nagkedkeden a mangipaay pay ti kanayunan a detalye bayat iti panangipasiguro nga addan iti “final stages” iti katulagan.
Nupay kasta ket inlawlawag na met a garantisado iti kinatalged iti panaglayag iti nasao a ruta agsipud ta mabalin latta a makaapektar iti seguridad ti panaghartang ti Estados Unidos kadagiti sangladan ti Iran.
Maipalagip a kalpasan ti panagraut iti nagkadwa a puersa ti Estados Unidos ken ti Israel idiay Iran idi napalabas a Pebrero, nangrugi metten a harangan ti Iran tu dakkel a paset ti kabaybayan da a mangsakop ti Strait of Hormuz.
Iti nakipet a ruta ti baybay ket napateg a pagdaldalyasatan dagiti oil ken liquefied natural gas tankers ti intero a lubong.
Immunan a nagpakdaar ni US President Donald Trump a mangiyuswat isuna ti nakaro a panagraut kontra Iran apaman a saan da wayawayaan iti nasao a strait.
