BR LA UNION – Sumagmamano a pamilya idiay Quezon City ken Malabon ti immakar kas panagannad kalpasan a limbes iti spilling level ti La Mesa Dam gapu iti napigsa a panagtudo a gapwanan ti Habagat.
Naamwan nga umaboten iti 80.22 meters ti water level ti dam, limbesen iti 80.15 meters spilling level.
Idiay Malabon, aganay 30 a pamilya ti nangipatungpal ti preemptive evacuation ken temporaryo nga adda ita idiay Tinajeros Elementary School.
Kabayatanna, 85 a pamilya manipud Quezon City ti immakar agturong idiay North Fairview High School, kas panagsagana iti posible a panaglayos.
Namnamaen dagiti otoridad nga umabot pay iti 200 a pamilya ti umakar manipud iti uppat a barangay idiay Malabon nu agtultuloy ti panagngato ti danum idiay Tullahan River.
Nabalakadan dagiti residente nga agnanaed iti nababa a lugar ken asideg iti karayan nga agbalin nga alerto ken sumurot iti evacuation orders.
