BR LA UNION – Aganay lima a tattao iti natay kalpasan a nag-overshoot ti maysa a cargo plane iti runway idiay Miami International Airport.
Segun kenni Miami-Dade Fire Rescue Chief Raied “Ray” Jadallah a limbes iti runway ti Amazon Boeing 767 cargo plane bayat a lumap-lapag iti nasao nga airport.
Dinungpar ti eroplano iti sumagmamano a behikulo a nakaparada ken nagresulta iti pannakauram ti paset ti eroplano.
Gaputi pasamak ket lima pay a tattao iti nasugatan ken tallo kadagitoy iti adda ti kritikal a kondisyon.
Sumagmamano kadagiti biktima ket saan a dagus a nakarwar manipud iti lugan da kalpasan a dimmungpar ti eroplano.
Nagtitinnulong dagiti nagresponde a rescue groups tapno mairwar manipud iti lugan dagiti biktima.
Iti Boeing 767-300 cargo plane ket naggapo idiay San Juan , Puerto Rico idi nag-overran iti runway kalpasan a naglanding idiay Miami agarop alas-2 ti malem.
Agtultuloy iti imbestigasyon ti Federal Aviation Administration iti nasao nga insidente.
