BR LA UNION – Kinumpirma ni Senator Robin Padilla a naawatnan ti subpoena manipud Department of Justice (DOJ).
Adda pakainaiganna daytoy iti preliminary investigation iti kaso na nga obstruction of justice, gapu iti maipagarop a panangtulong na nga aglibas idiay Senado ni Sen. Ronald “Bato” Dela Rosa idi Mayo.
Imbilin ti DOJ nga umatendar ni Padilla ken nasken nga agsumite ti counter-affidavit inton Setyembre 25 ken Oktubre 9 gaputi nasao a reklamo.
Maipalagip a naudi a nakita ni Dela Rosa idi dimmar-ay ti sesyon idiay Senado idi Mayo 13 ngem naglibas ti Mayo 14 kalpasan ti napasamak a pammaltog iti uneg ti Senado.
Inaklon ni Padilla a nakilugan a rimwar idiay Senado ni Dela Rosa.
Maipalagip nga adda warrant of arrest ni Dela Rosa manipud International Criminal Court gaputi papel na kas sigud a hepe ti Philippine National Police (PNP) idi naipatungpal ti war on drugs ni sigud a presidente Rodrigo Duterte.
