BR LA UNION – Nainget nga im-imbestigaran ti Philippine Coast Guard (PCG) nu adda biddut a deklarasyon kadagiti kargamento ti MV June Aster a posible a nangpakaru iti uram idiay kabaybayan ti Coron, Palawan a nakatayan ti 77 a tattao.
Segun kenni PCG spokesperson Commodore Noemie Cayabyab, ikumpara dagiti imbestigador iti aktuwal a kargamento ti barko iti cargo manifest nga insumite ti kapitan a ni Roel Sarmiento.
Sumagmamano a survivors ti nagkuna a nakangngeg da ti panagbettak asideg iti cargo hold sakbay a napaspas a nagramaram ti apoy.
Kabilang kadagiti kargamento ti MV June Aster ket dagiti motorsiklo, electric vehicle, pickup truck ken dadduma pay a goods.
