BR LA UNION – Arestado iti maysa a 37-anyos a construction worker kabayatan ti anti-illegal drug buy-bust operation idiay Barangay Sto. Domingo Sur, Luna, La Union.
Maibasar iti police report, ti suspek ket residente ti Ilocos Sur ken napatungpal ti operasyon babaen kadagiti personnel ti Luna Municipal Police Station (MPS) kas lead unit, dadduma a police units ken PDEA Region 1.
Naipadamag a nakarekobre dagiti otoridad iti dua a heat-sealed transparent plastic sachet a naglaon ti mapapati a shabu manipud iti ikot ti suspek.
Pakadagupan ₱3,876 iti Standard Drug Price (SDP) iti nakumpiskar a maipagarup a shabu.
Narekobre pay ti buy-bust money ken dadduma a non-drug evidence—agraman ti mobile phone ken motorsiklo.
Naiturong ti suspek idiay Balaoan District Hospital para iti medical examination sakbay a naiturong iti Luna MPS para iti dokumentasyon ken maitutop a disposisyon.
