BR LA UNION – Mapatta-patta a P6,800,000 a balor ti maatap a shabu iti nakumpiskar dagiti otoridad iti maysa a buy-bust operation idiay Brgy. Caniogan, Pasig City idi Sabado, Setyembre 26.
Inarestar ti Pasig PNP iti 22-anyos a lalaki a maipagarop a high-value individual kalpasan a makumpiskaran ti maysa a kilo ti maipagarop nga iligal a droga, a naikarga iti innem a pakete ti zip-lock bags.
Nakumpiskar pay iti suspek ti sumagmamano a paraphernalia kabilang iti tallo pidaso a P1,000 bill a nausar kas buy-bust money, maysa a green sling bag, driver’s license ti suspek, digital weighing scale, ken motorsiklo ti suspek.
Dagus a nai-turn over kadagiti otoridad dagiti ebidensya, kabilang ti maatap a droga, idiay Station Drug Enforcement Unit para iti drug testings ken forensic laboratory examinations.
Nakatuding a mausig ti suspek a sumangsango iti kaso a panaglabsing ti Republic Act No. 9165 wenno Comprehensive Dangerous Drugs Act of 2002.
