BR LA UNION – Inwaragawag ti National Capital Region Police Office (NCRPO) a naaresto dan dagiti 13 nga indibidwal a makunkuna a miyembro ti True Brown Style (TBS) group, manipud kadagiti naiganwat nga operasyon nangrugi idi Agosto 24 agingga Setyembre 28, 2026.
Base iti datos ti NCRPO, immuna a naarestar dagiti dua (2) idi 2024; uppat (4) idi 2025; ken pito (7) iti umuna a siyam a bulan ti 2026.
Innem iti inaresto ti Southern Police District, uppat iti Manila Police District, dua iti Quezon City Police District ken maysa ti naaresto ti Northern Police District.
Iti kaso dagiti naaresto ket illegal gambling, kidnapping wenno illegal detention ken adda pay drug-related cases.
Kabilang pay iti kaso da ket theft, homicide, trafficking in persons, cybercrime, Anti-Hazing law, child abuse , grave coercion ken disobedience to a person in authority.
Nainget nga immandar ni Police Brigadier General Christopher Abrahano, officer-in-charge ti NCRPO, kadagiti masakopanna a police districts ken units idiay Metro Manila nga irutan iti intelligence gathering ken operasyon kontra kadagiti tattao a konektado iti grupo.
Kinuna na a napateg ti kaadda ti koordinasyon dagiti otoridad kadagiti pagadalan, barangay, komunidad ken nagannak tapno malapdan iti panag-recruit ti grupo kadagiti ubbing.
Maipalagip nga inbutaktak ni Interior Secretary Jonvic Remulla a ti grupo a TBS, nga inladawanna kas community-based criminal group a kaadwan a marec-recruit a menor de edad ket idiay Metro Manila.
