BR LA UNION – Sipapanakkel nga inyanunsiyo ni Presidente Ferdinand Marcos Jr. iti agtultuloy a panangpapigsa dagiti benepisyo, insentibo, ken suporta para kadagiti mangisursuro.
Inaramid ti Presidente ti waragawag kabayatan ti selebrasyon ti national teachers day idi kalman (October 5) a naisayangkat idiay Araneta Coliseum idiay Quezon City.
Kabilang ditoy iti World Teachers’ Day Incentive Benefit a maawat dagiti mangisursuro tunggal Oktubre 5, kasta metten ti Performance-Based Bonus para iti 2024 nga agtultuloy nga ipros-proseso ti gobyerno.
Segun kenni Presidente Marcos, binilin na dagiti maseknan nga ahensya nga urnosen ken paspasan iti proseso ti panangipaay ti bonus.
