BR LA UNION – Binayadanen ni Department of the Interior and Local Government (DILG) Secretary Jonvic Remulla iti P28,011 a ginastos ni Reina Mercedes, Isabela Vice Mayor Atty. Harold Respicio iti panagpa-drug test na.
Nagramot ti isyu kalpasan a nag-viral iti social media iti impakita nga ugali ni Respicio iti maysa a forum idiay Isabela. Gaputi dayta, kinarit ni Remulla iti bise mayor nga agpaisidong ti drug test.
Dagus met a nagpa-drug test ni Respicio idi Oktubre 7, 2026 ken nagbayad ti P28,011.00 .
Maibasar iti resulta nga insapubliko na, negative isuna ti ilegal a droga.
Kalpasan nga inruar na ti resulta, imbaga ni Respicio a kayatna nga ipa-reimburse kenni Remulla iti ginastos na, banag a dagus met a simmungbat ti sekretaryo.
Impatulod na ti sibubukel a kantidad ita nga aldaw ti Huwebes, Oktubre 8.
Imbinglay pay ni Remulla iti comment section ti post ni Respicio iti screenshot ti impatulod na a P28,011 kas pammaneknek ti reimbursement, karagpin ti ababa a mensahe, “Eto na, Happy?”
