Ngimmato iti 1.9% iti cash remittances wenno kwarta nga ipatpatulod dagiti Pilipino sadiay ballasiw-taaw babaen kadagiti bangko idi Agosto 2026, segun iti kabaroan a datos nga inruar iti Bangko Sentral ng Pilipinas (BSP).
Dimmanon iti $3.035B ti cash remittances idi bulan ti Agosto, manipud iti $2.98B iti kapada a bulan idi napalabas a tawen.
Kadagiti umuna a walo a bulan ti 2026, dimmanon met iti $23.424B ti pakabuklan a remittances, nangatngato iti 2.2% nu iyarig iti $22.909B idi napan a tawen.
Nangidaulo iti Estados Unidos kas kadakkelan a pagtataudan kadagiti remittances nga addaan iti 39.8%, sinaruno iti Singapore para ti 7.1%, ken iti Saudi Arabia nga 6.3%.
Kabayatanna, dimmanon iti $3.372B dagiti personal remittances idi bulan ti Agosto, ngangatngato ngem iti $3.307B ti kapada a bulan para ti tawen 2025.
Karaman ditoyen dagiti maipatpatulod a cash wenno banag-banag a maipatpatulod ditoy pagilian babaen iti pormal ken impormal a wagas.
