Imbilin ti Sandiganbayan Third Division ti 90-days preventive suspension kenni Senador Rodante Marcoleta mainaig iti kaso a plunder a sangsanguenna.
Iti resolusion nga nairuar ita Oktubre 19, imbilin ti anti-graft court ti pannakasuspende ni Marcoleta.
Nagtaud ti kaso iti mapapati a P75 million ill-gotten wealth a saan nga indeklara ti Senador iti Statement of Contributions and Expenditures (SOCE) na.
Maibasar kadagiti alegasion iti kaso, mapapati a naawat ni Marcoleta ti nasao a gatad manipud iti sigud a kongresista a ni Mike Defensor ken negosiante a ni Aristotle Viray idi maysa pay laeng daytoy a pannakabagi ti SAGIP Party-list.
Segun iti Sandiganbayan, automatiko nga agpatingga ti suspension kalpasan ti 90 nga aldaw.
Kabayatanna, linawlawagan ti korte a saan nga apektaran ti suspension ti akem ti Senado kas collegial body.
