Inikkat ti Commission on Elections (COMELEC) iti accreditation dagiti 50 a party-list groups kalpasan a napaay dagitoy nga agtungpal iti requirement iti partisipasyon ken kasapolan a botos iti sidong ti party-list system.
Pormal nga inpatungpal ti poll body iti panangkanselar babaen ti Resolution No. 11281 a nairuar idi Oktubre 15, a mangsak-sakop kadagiti organisasyon ken koalisyon a saan a nakadar-ay iti dua a nagsaruno nga eleksiyon wenno pimmalya a makaala ti naan-anay a botos tapno makapuwesto idiay Kongreso.
Sangapulo a grupo iti nadakamat gapu iti naan-anay a saan da a pannakipaset iti naudi a dua nga eleksiyon.
Kabilang pay kadagiti 40 a grupo a nakanselar ti rehistrasyon na iti sumagmamano a nalatak nga organisasyon kas ti Bayan Muna, Magdalo Para Sa Pilipino, Buhay Hayaan Yumabong (BUHAY), Rebolusyonaryong Alyansang Makabansa (RAM), ken BOSES party-list (dating MOCHA).
Naibasar iti inaramid nga addang ti COMELEC iti Republic Act No. 7941 wenno Party-List System Act ken Comelec Resolution No. 11204.
Iti sidong ti Section 6(8) iti linteg, adda ti bileg ti COMELEC a mangkanselar iti rehistrasyon kalpasan iti abiso ken panagdengngeg, nu iti maysa a grupo ket saan a naki-paset iti dua a naudi nga eleksiyon wenno napaay a makagun-od ti kasapolan a porsiyento ti botos.
