Nakalukat iti registration para kadagiti kayatna ti makipaset iti Sandcastle Making Contest a paset ti La Union Surfing Break – Bacnotan Leg 2026 a maangay inton Oktubre 31, idiay Quirino Beach, Bacnotan, La Union.
Iyaw-awis ti lokal a gobierno ti Bacnotan dagiti interesado, a mangbukel ti grupo a buklen ti tallo a miyembro tapno ipakita dagiti kabaelan ken laing da iti panagaramid ti sandcastle a maibasar iti tema a “Bacnotan Beach Fiesta.”
Darat ken danum laeng ti mabalin nga usaren iti panagaramid iti sandcastle. Mabalin met nga usaren a pangdekorasyon dagiti shell, seaweed, bato ken natangken a kayo a masarakan iti lugar. Saan a mapalubosan dagiti materyales a lumabes iti naituding a lugar ti tunggal grupo.
Ti criteria for judging, creativity/resourcefulness ket maikkan ti 3 points, originality 3 points, relevance to the theme 2 points, ken overall impact ket 2 points, nga adda pakabuklan a 10 points.
Agingga iti Oktubre 28 ti deadline ti registration. Limitado laeng ti slots, isu a maipatungpal ti first-come, first-served policy.
