Nagun-od dagiti agkabsat a weightlifter nga isuda Rosegie ken Rose Jean Ramos ti umuna a dua a medalya ti Pilipinas iti 2026 International Weightlifting Federation (IWF) World Championships sadiay Ningbo, China.
Nangabak ni Rose Jean iti bronze medal iti women’s 49-kilogram category kalpasan a nangipangato iti 86 kilograms iti snatch ken nakarekord iti dagup a 181 kilograms.
Sinaruno daytoy ti inauna a kabsatna a ni Rosegie a nangabak met iti bronse iti women’s 53-kilogram division kalpasan a nakarekord iti 97 kilograms iti snatch ken agdagup iti 211 kilograms.
Agpada a nagleppas dagiti agkabsat iti maikalima a puesto iti overall category.
Agtultuloy ti nasao a pasalip agingga inton Nobiembre 8, a karaman met dagiti Filipino weightlifter a da Elreen Ando, Kristel Macrohon ken Albert Ian Delos Santos kadagiti naituding a makisalip.
Paset met ti torneo ti qualifying competitions para iti 2028 Los Angeles Olympics.
