Imbatad ti kampo ni Senador Bato Dela Rosa a maibilang a pananggipit ti nailatang a 50-milyon a piso a gunggona ti gobierno ti asinoman a makaited ti impormasyon a makaitudo nu sadino ti ayan ti Senador.
Pati ti maysa a lawas nga ‘ultimatum’ ti Philippine National Police (PNP) para iti boluntaryo a panagsuko ti senador ket ibilangda a kas pananggipit iti mammanday-linteg.
Daytoy ti ibinglay ti abogado ni Senador Bato Dela Rosa a ni Atty. Israelito Torreon.
Malaksid iti daytoy kinunana pay a posible a maususar ti nasao nga isyu kas paset ti ‘political circus’ ti gobierno tapnu kaluban ti dadduma a napapateg a problem ti pagilian.
Malagip nga inyayunsiyo mismo ni Department of Interior and Local Government (DILG) Sec. Jonvic Remulla ti ‘50 million pesos bounty’ kontra iti senador.
Bayat nga iti maysa lawas nga ‘ultimatum’ ti PNP tapnu agpakita ti mammanday-linteg ket napason idi kalman Biyernes, maika-30 ti Oktubre.
Ni Sen. Bato Dela Rosa ket sumangsango iti ‘warrant of arrest’ ti International Criminal Court gapu iti mapapati a co-perpetrator daytoy ni sigud a Presidente Rodrigo Duterte mainaig iti implementasyon ti ‘war on drugs’.
