Umaboten iti baro a record high a P19.66 trilyon ti pakabuklan nga utang ti gobyerno ti Pilipinas idi maudi a paset ti Setyembre 2026, maibasar iti datos manipud Bureau of the Treasury (BTr).
Maibasar iti report ti nasao a departamento, ngimmato ti 0.27 a porsyento wenno P53.47 bilyon iti utang ti pagilian kumpara iti P19.61 trilyon a nailista idi bulan ti Agosto.
Iti domestic debt ket buklen ti 67.39 porsyento wenno P13.25 trilyon iti pakabuklan nga utang, bayat a ti external debt ket agbalor met ti P6.41 trilyon wenno 32.61 porsyento.
Iti apagapaman a panagngato ti domestic debt ket gapwanan ti kangrunaan a net issuance ti government securities ken panagkapoy iti balor ti piso kontra US dollar a naka-apektar iti Onshore Dollar Bonds.
Kabayatanna, ngimmato met ti utang iti ruar wenno external debt iti 0.70 a porsiyento gapu iti panagkapuy ti lokal a kuarta ken kanayonan a net availment dagiti pautang manipud iti ballasiw-taaw.
Bimmaba met iti national government guaranteed obligations a P306.63 bilion idi Setyembre, kalpasan ti net repayments a naaramid kadagiti external guarantees.
