Nagpanawagan iti Philippine Animal Welfare Society wenno PAWS kadagiti ahensya ti gobyerno nga imbestigaran dagiti pet cremation services ditoy pagilian kalpasan a matakuatan iti madaddadael a bangkay ti nasurok 20 nga aso ken pusa a nakaikabil kadagiti plastic bags a naibelleng idiay San Jose del Monte City, Bulacan.
Iti waragawag ti PAWS, nangigubuay iti seryoso a diskusyon iti integridad ti pet cremation services ti mapapati a pannakaibelleng kadagiti natay nga alaga nga ayup, nga imbes ket naipaisidong ti cremation.
Pinaregta iti organisasyon dagiti maiyannatop nga ahensya nga imbestigaran dagiti establisimyento a karaman iti insidente, kasta met dagiti dadduma pay a pet crematorium nga addaan operasyon ditoy pagilian.
Partikular a nagpanawagan iti grupo iti Department of the Interior and Local Government (DILG), Department of Health (DOH), Philippine National Police (PNP), ken National Bureau of Investigation (NBI) a sukimaten iti possible a panaglabsing iti business permit, sanitation, environmental regulations, consumer protection, ken criminal laws.
Impaganetget da pay a nasken a masiguro iti hustisya kadagiti pet parents nga apektado iti insidente.
