Nadutukan kas attorney general idiay Texas ni Nathan Johnson, maysa a Democrat ken sigud a composer ti musical scores ti sikat nga anime series a Dragon Ball Z, kalpasan a mangabak iti kalkalpas a US midterm elections.
Nagun-od ni Johnson iti mayorya a botos iti dandani amin a southern border districts ken iti kangrunaan a siyudad idiay Texas, kontra iti kinalabanna a Republican a ni Mayes Middleton.
Segun kenni Johnson, isuna ti nangbukel ti musical scores para iti 67 nga episodes ken lima a pelikula ti Dragon Ball Z.
Nagbalin pay a voice actor iti English dubbing ti anime film a Berserk.
Maibasar iti online database nga IMDb, kabilang dagiti production credit ni Johnson iti musika para iti sumagmamano nga episode ken pelikula ti Dragon Ball Z manipud 1990 agingga 2008.
Malaksid a composer, maysa pay a litigator ni Johnson nga addaan ti degree iti Physics ken Law.
Nagserbi isuna nga state senator idiay Texas manipud 2019.
Sukatan ni Johnson iti puwesto ni outgoing Attorney General Ken Paxton, a saanen a timmaray para iti nasao a posisyon.
Kabayatanna, naabak met ni Paxton iti karera para iti US Senate seat, ken nangabak iti Democrat a ni James Talarico.
