Natay ti maysa nga Indian national kalpasan a naatalan ti tren ti Philippine National Railways (PNR) idiay San Pablo City, Laguna idi agsapa ti Martes, Nobyembre 3.
Nabigbig iti biktima a 20-anyos, negosyante ken nakalugan iti motorsiklo na idi napasamak ti aksidente.
Maibasar iti inisyal nga imbestigasyon ti pulisya, bimmaba iti motorsiklo iti biktima idi makadanon ti railway crossing idiay Brgy. Del Remedio, alas-6 ti bigat.
Bumallasiw koma daytoy iti riles idi madungpar ti sumungsungad a tren.
Dagus a naiturong ti biktima idiay San Pablo District Hospital ngem naideklara a dead on arrival.
Simmuko met kadagiti otoridad iti empleyado ti PNR a mairamraman iti pannakatay ti Indian national.
Kabayatanna, siniguro iti liderato ti PNR nga ipaay da iti anyaman a tulong a kasapolan ti biktima.
