Manamnama a makapadas ti 42 degrees Celsius nga heat index wenno danger level iti Zamboanga City ken dua pay a lugar ditoy pagilian ita a Sabado, Nobyembre 7, segun iti Philippine Atmospheric, Geophysical and Astronomical Services Administration (PAGASA).
Karaman kadagiti lugar a makapadas daitoy iti San Jose, Occidental Mindoro; La Granja, La Carlota, Negros Occidental; ken Zamboanga City.
Segun iti state weather bureau, agtalinaed met ti 42 degrees Celsius iti heat index idiay San Jose ken La Granja agingga inton Dominggo, Nobyembre 8.
Nagballaag met iti ahensya a mabalin a makapadas ti heat cramps ken heat exhaustion dagiti tao a mabayag a ma-expose iti kastoy a temperatura, a mabalin pay a mangpataud ti heat stroke.
Gapu iti daitoy, binilinan iti publiko a limitaran dagiti aktibidad iti ruar, uminom ti adu a danum, agusar ti payong, ken liklikan dagiti nadadagsen a trabaho kadagiti kabaraan nga oras.
Irekrekomenda met nga aramiden dagiti trabaho a kasapulan ti nakaro a pisikal nga aktibidad kadagiti nalammiis nga oras ti aldaw.
