Nasurok a 20 a tattao ti nadundunor kalpasan ti magnitude 5.7 a ginggined a nangdayeg iti Shizuoka Prefecture iti sentro ti Japan itay parbangon ita nga aldaw ti Domingo, Nobiembre 8.
Sigun iti Japan Meteorological Agency, nairekord ti upper 5 intensity iti seven-level seismic scale sadiay Chita City, Aichi Prefecture. Nupay kasta, awan met ti nairekord a pangta ti tsunami.
Narikna met ti nababbaba a 5 intensity iti Aichi, Shizuoka, Gifu ken Nagano. Segun iti ahensia, daytoy ti umuna a gundaway a nakapadas ti Aichi ti napigsa a panagdayeg iti las-ud ti 30 a tawen.
Napattapatta a 41 kilometro ti kauneg ti ginggined, a ti sentrona ket adda iti makindaya a paset ti Shizuoka.
Kabayatanna, impadamag dagiti autoridad idiay Higashiura, Aichi, ti pannakasinga ti suplay ti danum iti dadduma a paset ti ili.
Nairekord pay ti sumagmamano nga aftershocks.
