Nangipeksa iti pannakadismaya ni Senator-Judge Risa Hontiveros iti saan a sigurado a sungbat ni Davao City Assessor Engr. Jaime Adalin idi nadamag nu nakadanon isunan idiay Beijing iti biahe na idiay China idi Enero 2026.
Iti agtultuloy nga impeachment trial kontra kenni Bise Presidente Sara Duterte, dinamag ni Hontiveros ni Adalin mainaig iti panagturong na idiay Beijing. Kinuna iti assessor nga arig na nakadanon isuna idiay, implikasyon a saan a sigurado isuna iti sungbat na.
Daitoy met iti rason nu apay a dismayado ni Senadora Risa agsipud ta seryoso dagiti damag iti panagdengngeg.
Dinamag pay ni Hontiveros nu siasino dagiti nakadkadwa ni Adalin iti biyahe. Segun iti assessor, karaman kadagiti malagip na ket ti city engineer ken city treasurer.
Innayon na met a group travel iti nasao a biyahe ken saan nga isuna iti nangorganisar kadaitoy.
Maipalagip a pinasingkedan ni Adalin iti umuna a gundaway a nagturong isuna idiay China idi Enero 25, 2026.
Binabalaw met ni Senator-Judge Raffy Tulfo iti biahe na ti sabali a pagilian ken nu kasatno na daitoy a magasgastaran idinto nga iti binulan a sueldo na ket dumanon laeng iti P120K a kas department head.
