Impaganetget ni Lead Defense Counsel Atty. Sheila Sison ita nga aldaw iti Martes, Nobyembre 10, 2026, a maymaysa metlaeng iti nakadeklara iti Statement of Assets, Liabilities, and Net Worth (SALN) ni Bise Presidente Sara Duterte ken ti impasango iti depensa, maisupadi iti alegasyon ti prosekusyon a nagduma a sanikua dagitoy.
Segun kenni Sison, nu adda pay dagiti saan a naideklara a sanikua ti Bise Presidente, nasken a paneknekan pay daitoy iti prosekusyon babaen iti kanayunan a dokumento a kas ti tax declaration, deed of absolute sale, wenno registration documents.
Impaganetget na pay a nalpasen nga agpresentar ken mangidatag iti ebidensya ti prosekusyon, a dinesisyonanen iti korte idi Nobyembre 5.
Inawagan met ni Sison a “hair-splitting” wenno panagpadakkel iti bassit a banag ti argumento agsipud ta nalawag a maitunos dagiti sanikua a dinakamat dagiti dua a testigo iti depensa iti naideklara ni VP Sara ti SALN na.
Innayon na pay a nu agpayso nga adda dagiti sabali a sanikua a dakdakamaten iti prosekusyon ket nasken a mangisubmitir da iti maiyannatop a dokumento sakbay nga agserra ti formal offer of evidence.
