Nangiruar ti pammilin iti Sandiganbayan para iti 90-aldaw a preventive suspension kontra kenni Leyte 1st District Representative Ferdinand Martin Romualdez seknan dagiti nakapenpen a kaso kontra kenkuana iti anti-graft court.
Maibasar iti resolusyon nga inruar ti pagukuman, iti preventive suspension ket maysa a basaran nga addang iti sidong ti Republic Act No. 3019 wenno Section 13 iti Anti-Graft and Corrupt Practices Act.
Inlawlawag ti Sandiganbayan a ti suspension ket saan a maysa a pannusa wenno pinal a pangngeddeng iti kaso, nudiket maysa a probisyon ti linteg tapno saan a mausar iti siasinuman nga opisyal ti posisyon na bayat nga agtultuloy ti panagdengngeg.
Iti sidong ti nasao a pammilin, temporaryo nga agsardeng ni Romualdez nga aramiden ti pagrebbenganna kas mangibagbagi ti Leyte ken dadduma pay nga opisyal a trabaho nga adda pakainaiganna iti opisina na iti House of Representatives, iti uneg ti tallo a bulan.
Impatuloden ti Sandiganbayan iti kopya ti pammilin idiay Kamara tapno dagus nga ipatungpal iti preventive suspension.
Kabayatanna, inwaragawag ti kampo ti mammanday linteg nga ires-respeto da iti proseso ti linteg ngem nakatuding a mangidatag da iti maiyannatop a legal nga addang wenno motion for reconsideration seknan iti nasao a direktiba ti pagukuman.
