Kinumpirma ti National Privacy Commission (NPC) a nakaawat daytoy ti personal data breach notifications manipud iti sangapulo nga ahensiya ti gobyerno.
Kabilang kadagiti ahensiya a nakapadas ti data breach iti Department of Information and Communications Technology (DICT), Department of Labor and Employment (DOLE) babaen ti Bureau of Local Employment daytoy, Bureau of Internal Revenue (BIR), ken Philippine Amusement and Gaming Corporation (PAGCOR).
Naaddaan pay ti data breach iti Department of Justice (DOJ) particular iti Office for Alternative Dispute Resolution, Securities and Exchange Commission (SEC), Department of Trade and Industry (DTI), Department of Science and Technology – Philippine Institute of Volcanology and Seismology (DOST-PHIVOLCS), Presidential Commission on Good Government (PCGG), ken iti Philippine Coast Guard (PCG).
Segun iti komisyon, rinugyan dan ti imbestigasyon iti nasao a panag-leak dagiti personal a datos manipud kadagiti nadakamat nga ahensiya.
Segun kenni National Privacy Commission Deputy Privacy Commissioner at Spokesperson Atty. Jose S. Belarmino II, nupay pagrebbengan ti komisyon nga idaulwan ti panang-secure dagiti sensitibo a datos, responsibilidad latta met dagiti ahensiya ti gobyerno a siguradwen iti proteksiyon dagiti datos tapno masiguro ti kinatalged ken maliklikan ti anyaman a klase ti panaggundaway.
Pinalagipan met ti komisyon iti publiko nga agtalinaed nga alerto kontra kadagiti phising attempt, scam, identity theft, ken dadduma pay a klase ti social engineering a mabalin a mangigubway ti panaggundaway manipud kadagiti naipadamag a data breaches.
Agannad pay iti panag-responde kadagiti mapagdudua-an a mensahe, panag-click kadagiti saan a pamilyar a website link, panag-download iti attachment, ken panangibinglay iti personal ken sensitibo nga impormasyon.
Nagkari ti komisyon nga itultuloy da a bantayan dagiti report ti data breach kas panagtungpal iti pagrebbengan da maiyannurot iti Republic Act No. 10173 wenno Data Privacy Act of 2012.
