Nangiruar iti Makati City Regional Trial Court (RTC) Branch 145 ti extradition warrants of arrest ken hold departure orders (HDO) kontra kenni Pastor Apollo Quiboloy, Teresita Dandan, ken Helen Panilag.
Kasaruno ti petisyon ti Estados Unidos para iti extradition ti tallo mainaig kadagiti kaso a sex trafficking, child sex trafficking, ken bulk cash smuggling.
Maibasar iti korte, addaan ti probable cause nga iti tallo dagiti madakdakamat iti arrest warrant ken indictment iti Estados Unidos, ken sakup ti extradition dagiti kaso a sangsangwen da.
Pinasingkedan met ti Department of Justice (DOJ) iti panangiruar dagiti warrant ken HDO, a paset ti proseso ti extradition.
Nainget met a pinaglibakan ni Quiboloy dagiti alegasyon ken kinuna a biktima isuna ti political persecution.
Malaksid daitoy, sumangsango isuna ti nagdududma a kaso ti qualified human trafficking ken child abuse ditoy Pilipinas.
