Impeksa ni House Deputy Speaker Representative Janette Garin ti pannakaklaatna iti testimonia ti sumagmamano a testigo nga indatag ti depensa ni Bise Presidente Sara Duterte iti impeachment trial.
Segun kenni Garin, a kasla narigatan ti dadduma a testigo a mangidepensar ken ikkan-kalintegan dagiti isyu a naiparang kadakuada kabayatan ti panagsaludsod.
Kinunana a narigat ti mangidepensa kadagiti banag nga awan ti umdas a pannakailawlawag, isu a naasi daytoy iti kasasaad dagiti testigo a nasken nga agsungbat kadagiti saludsod dagiti senador ken ti dasig ti prosecution.
Innayon ni Garin a nagbalin a nakaskasdaaw ti kasasaad gapu ta imbes a makatulong iti depensa ti Bise Presidente, kasla pinapigsa pay dagiti testigo ti ebidensia nga indatag ti prosekusion.
Gapu iti daytoy, napagsaludsodan ni Garin no talaga a nakatulong dagiti testigo nga indatag ti depensa iti dasig ni Duterte, wenno pinatibkerda laeng dagiti alegasion kontra kenkuana.
Malagip a nangrugi ti presentasion ti depensa iti impeachment trial idi Nobiembre 9, kalpasan ti panagleppas ti pannakaidatag dagiti ebidensia ken testigo ti prosekusion.
